Капитенот го напушта Арсенал и се сели во Серија А

Капитенот на Арсенал, Лоран Кошчелни сериозно размислува да го напушти клубот ова лето, пренесува „Екип“.

На 33-годишниот Французин му останува уште една година од договорот со „топџиите“, но тој сака да искуси нов предизвик во кариерата и е спремен ова лето да го напушти „Емирати“.

Клубот се уште не му понудил продолжување на соработката, па Кошчелни го известил раководството дека сака да си замине.

„Екип“ пренесува дека најсериозен кандидат за неговиот потпис е италијанскиот гигант Милан, кој сака да донесе еден искусен стопер ова лето. Интерес за Кошчелни покажуваат уште Баер Леверкузен, Монако и Рен.

Французинот цели 9 години е член на Арсенал и одигра 352 меча за „топџиите“ на кои постигна 27 гола, а доколку оваа информација е точна финалето во Лига Европа може да биде неговиот последен меч за лондонскиот клуб.

L'Equipe claim the Europa League final could be Koscielny's last game for #Arsenal. He is said to be very strongly thinking about leaving in search of a new challenge. Monaco, Milan & especially Leverkusen are all interested in signing him. pic.twitter.com/IvM8coG5MW

— Gurjit (@GurjitAFC) May 24, 2019