Канте добил понуда и побарал трансфер!?

Н’Голо Канте без дилеми е еден од најважните играчи на Челзи.

Францускиот репрезентативец во Челзи пристигна летото 2016 година и брзо стана стандарден во тимот на Челзи. Придонесот на Канте во средниот ред значи многу и Лампард знае да го цени.

Канте минатата година ја продолжи верноста со Челзи до летото 2023 година, но англиските медиуми сега пишуваат дека тој побарал да му дозволат да замине на крајот на оваа сезона.

Како што пишува „Сан“ 28 годишниот фудбалер добил понуда од Реал Мадрид и има желба во редовите на „кралевите“ да ја продолжи кариерата. Реал за него е спремен да плати 100 милиони фунти.

Меѓутоа јасно дека е Челзи нема така лесно да го пушти. Според информациите играчот побарал состанок со челниците на клубот да се обиде да ги убеди да го продадат на крајот од сезоната.