Како Роналдо се најде на „Ел Класико“?

Кристиано Роналдо минатата недела во живо го гледаше големото дерби во Ла Лига помеѓу Реал Мадрид и Барселона.

Многумина беа изненадени затоа што Роналдо дојде да го гледа натпреварот на својот поранешен клуб и не го криеше задоволството откако Реал на крајот го победи својот противник.

Роналдо предизвика воодушевување кога се појави на трибините и доби голем аплауз.

Како Роналдо се нашол на „Ел Класико“?

Реномираната „Марка“ утрово објави дека претседателот на Реал Мадрид десетина дена пред  натпреварот добил повик од Роналдо кој покажал интерес да дојде во Мадрид, првпат откако летото 2018 година премина во Јувентус.

Перез му порачал дека ќе има местово ВИП ложата, но Роналдо тоа го одбил и побарал некое друго место. Роналдо конечната одлука да присуствува на дербито ја донел кога конечно било објавено дека натпреварот помеѓу Јувентус и Интер ќе биде одложен.