Како Коби постигна 61 поен, па потоа коментираше филм за себе (ВИДЕО)

Пред точно два месеци во хеликоптерска несреќа животот го загуби легендарниот Коби Брајант.

Бескомпромисноста кон противниците, гладот за победа и големата работна етика беа инспирација за многу спортисти, па така славниот режисер Спајк Ли во 2008 година го сними документарецот „Kobe Doin’Work“.

Тој 84 минутен филм е поглед на умот и менталниот склоп на „Црната Мамба“ кој го следеше и во натпреварот во 2008 година. Коби се согласи во тој натпревар да го следат 30 камери и да носи микрофон додека игра за да се слуша неговата интеракција со соиграчите, тренерите и противниците. Тренерот Фил Џексон дури дозволи да се снима и тајм-аутот.

Коби инаку беше и наратор на филмот, а коментарот го сними во февруари 2009 година веднаш после натпреварот против Нујорк Никси во кој постигна 61 поен и постави (во меѓувреме срушен) рекорд во „Медисон Сквер Гарден“. Поради тоа беше посебно расположен во коментирањето на филмот.

Ви предложуваме во овие денови кога најдобро е да се седи дома да го погледнете овој документарец.