Кака: Меси е гениј, Роналдо е машина

Легендарниот бразилскиот фудбалер Кака зборуваше за споредбата помеѓу Лео Меси и Кристиано Роналдо. Кака иако играше со Роналдо го избра Меси.

Аргентинцот е добитник на шест Златни топки, а Кака со Роналдо беше соиграч во Реал Мадрид.

„Играв со Кристиано и тој е неверојатен, но ќе го изберам Меси кој е гениј, чист талент. Неверојатен е начинот на кој игра“, ијзави Кака, освојувачот на „Златната топка“ од 2007 година, потоа продолжи за Роналдо:

„Кристиано е машина – не само што е силен, моќен е и брз, силен ментално. Секогаш сака да победи и сака да биде најдобар. Во историјата на фудбалот двајцата се сигурно во топ 5 фудбалери и треба да бидеме среќни што имаме прилика да ги гледаме“, заклучи бразилската легенда.