Каземиро: Реал ќе продолжи да победува и без Мбапе

Играчот на Реал Мадрид, Каземиро не се сомнева дека иднината на кубот е добра и покрај фактот што не успеа да го доведе Килијан Мбапе.

Мбапе беше на чекор од трансфер во Реал Мадрид, но во последен момент се предомисли и го продолжи договорот со ПСЖ.

„Овој клуб не зависи од играчите. Има играчи кои можат да останат трага како Ди Стефано или Роналдо. Фановите сега можеби се разочарани, но клубот сигурно ќе продолжи да победува“, изјави Каземиро.

„Мбапе е голем фудбалер, но кога донесол одлука, ние мора да ја респектираме. Повеќе не можеме да зборуваме за играч кој не е сопственост на Реал“, додаде Бразилецот.