Италија во чудо: Донарума се откажува од Раиола поради Милан

Младиот италијански голман и еден од најголемите таленти во светот, Џанлуиџи Донарума преживува исклучително тешки моменти во Милан.

По втор пат оваа година се најде на жесток удар на навивачите на Милан, а со тоа се поклопија и бледите настапи на целиот тим.

Неговиот менаџер Мино Раиола во медиумите пласираше информации дека сака да го раскине договорот со Милан бидејќи Донарма бил под психолошки притисок кога потпишувал. Тоа не го прифатија добро навивачите и жестоко го нападнаа Џиџо.

Италијанските медиуми пренесуваат дека младиот голман е спремен да го раскине договорот со Раиола и во тој случај да го поправи односот со навивачите.

Неговото семејство исто така смета дека Раиола е главен виновник за целата ситуација и го поддржува Донарума во одлуката да го раскине договорот со него.

Џиџо преку Инстаграм негираше дека имал психолошки притисок кога го потпишувал договорот со Милан, што е негирање на тврдењата на неговиот агент.