Италијанска битка за капитенот на Атлетико

Како што пренесуваат италијанските медиуми Милан, Јувентус и Интер ќе се борат за потписот на капитенот на Атлетико Мадрид, Диего Годин.

На Годин му истекува договорот со Атлетико на крајот на сезоната, а како што стојат работите нема да ја продолжи соработката со „јорганџиите“, па италијанските клубови се спремни да го донесат без обештетување.

Први интерес за Уругваецот покажаа Јувентус и Милан. „Бјанконерите“ во него гледата идеален наследник на Барзаљи, додека „росонерите“ се обидуваат да ја засилат одбраната со искусен стопер.

Сега во траката за потписот на Годин се приклучи и Интер, кој најверојатно ќе остане без Миранда, па го сака Уругваецот како негова замена.

Останува да видиме кој ќе победи во трката за неговиот потпис, а сигурно е дека Годин ќе може да преговара со заинтересираните клубови уште во јануари.