Историскиот натпревар на Македонија со директен пренос на МРТ!

За шест дена Македонија ја очекува историскиот натпревар против Грузија во кој ќе се бори за пласман на Европско првенство.

Македонија на 12. ноември ќе и гостува на Грузија во натпревар кој спортската јавност го очекува со нетрпение и сите се надеваме дека Грузија ќе биде победена и Македонија за првпат ќе игра на едно Европско првенство.

МРТ пред овој дуел соопшти добри вести. Иако до сега навикнати бевме натпреварите на Македонија на гостински терен да ги гледаме на „Спорт Клуб“, овој пат обезбеден е пренос кој ќе оди на МРТ 1 и МРТ3.