Инфантино: Ќе се борам за ВАР во Русија…

Претседателот на ФИФА, Џани Инфантино истакна дека посакува да ја има видео технологијата на СП следното лето во Русија.

На вечерашната церемонија на ФИФА за најдобар играч на светот, Инфантино истакна дека многумина имаат позитивен коментар за видео технологијата, но дека секогаш ќе има и такви кои ќе се противат. Инфантино потврди дека ќе даде се од себе ВАР да биде следното лето дел од СП.

„Потребна ни е видео технологијата. На секој шампион тоа му треба и потврда ни доаѓа од Португалија и Италија. Дефинитивната одлука за ВАР ќе ја донесеме во март следната година, но не моќеме да дозволиме СП да биде одлучено со судска грешка. Мораме да им помогнеме на судиите и за тоа ни помага видео технологијата“, истакна Инфантино и додаде:

„Ќе се потрудам со сите средаства да се оствари ова. Со ова ќе се завршат многу проблеми како за судиите така и за целиот фудбал“.