Инфантино до Роналдо: Ти си меѓународна икона!

Кристиано Роналдо вчера постигна два гола за Португалија во 89. и 96. минута и така обезбеди пресврт против Република Ирска (2:1) во квалификациите за СП 2022.

Со овие два гола Роналдо го сруши рекордот на Иранецот, Али Даеи и стана играчот со најмногу голови за една репрезентација (111). На ваквото достигнување му честиташе и првиот човек на ФИФА, Џани Инфантино.

„Таквото достигнување е награда за неговата блескава кариера. Во процесот на соборување на тој рекорд ти не стана само национален херој, туку и меѓународна икона и идиол на огромен број млади фудбалери ширум светот. Твоите квалитети и желба за константен напредок се за секоја почит и восхит“, истакна Инфантино.