Интер треба да се осободи од двајца напаѓачи за да го донесе Дибала

Преговорите помеѓу Интер и Пауло Дибала се во застој, особено откако „нероаѕурите“ постигнаа договор за враќање на Лукаку во Милано.

Во моментов Интер не може да си ја одволи и платата на Пауло Дибала, иако Аргентинецот е слободен агент и не треба да се плаќа обештетување.

Италијанските медиуми тврдат дека „нероаѕурите“ најпрво треба да се ослободат од Санчез и Џеко, кои исто така имаат високи плати, па потоа ќе го финализираат договорот со Дибала.

Аргентинецот е фрустриран од целата ситуација бидејќи неговиот агент преговара долго време со Интер, кој пак му даде предност на Лукаку.

Дибала е спремен да слушне понуди од други клубови, но проблем за него е што моментов единствен друг клуб кој покажува интерес е Севиља, а тоа не е дестинација која му се допаѓа.