Интер покажува интерес за Покетино

Маурисио Покетино е еден од најбараните тренери, бидејќи е слободен после отказот кој го доби во Пари Сент Жермен.

Последен клуб кој се вклучи во трката за неговиот потпис е милански Интер, кој не е задоволен од работата на Симоне Инзаги.

„Нероаѕурите“ влегоа во резултатска криза и го доведоа во прашање пласманот во Топ 4, па Интер сериозно размислува за тренерска смена.

Меѓу варијантите за нов тренер на миланскиот гигант е и Маурисио Покетино, за кого интерес покажуваат уште Реал Мадрид и Челзи.

Сепак, „нероаѕурите“ тешко ќе се изборат со оваа конкуренција, особено поради фактот што имаат финансиски проблеми.