Интер и Наполи добија нови тренери!

Тренерската лудница во Италија продолжува, а нови тренери добија Интер и Наполи.

Двата тима останаа без тренери пред неколку дена. Антонио Конте го напушти Интер, а Наполи се раздели со Џенаро Гатузо после разочарувачката сезона.

Реномираните италијански новинари Фабрицио Романо и Ди Марцио синоќа објавија дека двата великани добиле нови тренери.

#Spalletti al @sscnapoli e #Inzaghi all’@Inter, ci sono anche le firme ✍🏼✅ @SkySport

— Gianluca Di Marzio (@DiMarzio) May 28, 2021

Нов тренер на актуелниот првак ќе биде поранешниот тренер на Лацио, Симоне Инзаги, кој во наредните две сезони ќе го предводи овој тим. Наскоро ќе биде и официјално претставен и ќе бидат познати деталите од договорот.

Од друга страна Наполи го превзема уште едно добро познато име. Тоа е искусниот Спалети кој постигна договор со претседателот на тимот Де Лаурентис.

Luciano Spalletti will be the new Napoli manager, confirmed. He has just signed his contract until June 2023. Done and completed. 🔵 @SkySport #Napoli

— Fabrizio Romano (@FabrizioRomano) May 28, 2021

Спалети со Наполи постигнал договор до 2023. година и ќе го предводи овој тим во наредните две години.