Интер има договор со ѕвездата на Сасуоло

„Газета дело Спорт“ тврди дека главна трансфер цел на Интер во летниот преоден рок ќе биде Џанлука Скамака од Сасуоло.

„Нероаѕурите“ се во потрага по напаѓач бидејќи Џеко е на залез на кариера, па Скамака е првиот избор на раководството.

Сасуоло за својот напаѓач бара 40 милиони евра, меѓутоа Скамака е желба на повеќе клубови, но според најавите Интер е во пол-позиција.

Весникот тврди дека напаѓачот веќе има договор со Интер и поради тоа ја одбил понудата од Борусија Дортмунд.

Скамака блеска во дресот на Сасуоло и веќе има два настапи за италијанската репрезентација, а важи за еден од најголемите таленти на Апенините.