Интер го заврши постот и ја продолжи трката за Лигата на шампионите (ВИДЕО)

Интер традиционално игра добри и ефикасни натпревари против Каљари, па тоа беше случај и вечерва, кога избраниците на Спалети славеа над гостите со 4:0.

Ова е важен триумф за Интер кој сега се наоѓа на третата позиција и ќе се обиде да се избори за пласман во ЛШ пред Рома и Лацио.

Канцело во 3. минута погоди за Интер, а во 49. минута Икарди зголеми на 2:0. Половина час пред крајот Брозовиќ на асистенција на Икарди постигна погодок за 3:0, за во 90. минута конечниот резултат да го постави Перишиќ.

Интер лесно дојде до три бода, а сега се надева дека Рома против Џенова, или Лацио против Фиорентина ќе кикснат, а тие дуели на програмата се утре.

https://www.youtube.com/watch?v=6imeKWWVfzk