Инсиње искрено: Немав поим кој е Елмас, а сега сум импресиониран

Eлиф Елмас има одличен старт на својата авантура во Неапол.

Македонскиот фудбалер за викендот во натпреварот против Сампдорија одигра натпревар за највисоки оценки, дел од италијанските медиуми го прогласија и за играч на натпреварот иако Мертенс ги постигна двата гола во победата од 2:0.

„Тој не е обично засилување има се зада биде големо засилување. Елмас го освојува Неапол уште сега, а има само 20 години. Анчелоти знаеше каков играч е и затоа притискаше клубот да му го доведе. Големо браво и за него и за Елмас. Наполи има модерен фудбалер кој може се на средината од теренот“, напиша познатиот италијански новинар и трансфер експерт Алфредо Педула.

„Сигурна победа на Наполи кај Сампдорија. Мертенс постигна два гола и обезбеди триумф, но тој не беше најдобар на теренот. Тој епитет од мене оди за Елиф Елмас. Има 20 години и фантастични предисопозиции“, гласеше коментарот на Енрико Вариале кој работи во државната телевизија „РАИ“.

Сега Елмас доби и големи пофалви од својот соиграч во Наполи, напаѓачот Лоренцо Инсиње.

Инсиње искрено си призна дека не знаел кој е Елмас кога доаѓал, но сега е импресиониран од она што го видел од нашиот ас на тренинзите и натпреварите.

„Немав поим кој е Елмас кога доаѓаше. Не знаев ништо за него. Меѓутоа кога видов на тренинзите и натпреварите ме импресионираше. Тој е толку млад, а игра зрело и искусно, има големи квалитети. Одлично е што го имаме во тимот“, порача Инсиње.