Иниеста за тешкиот период: Само сакав да падне ноќ и да одморам од се

Иако е еден од најголемите мајстори во историјата на фудбалот и тој некогаш се борел со депресијата.

Претставата на обичниот човек за фудбалерите е дека тие имаат се. Пари, супер автомобили, убави жени, слава…Никој не ја гледа другата страна која многумина од славните спортисти ја почуствувале.

Помеѓу нив е и Андрес Иниеста кој иако никогаш не изгледал како таков и тој имал психички проблем.

„Преминуваш во свет на илузија, немаш ништо, не чуствуваш ништо. Само чекав да падне ноќ и да испијам таблета да се одморам од се. Кога патиш од депресија, ти стануваш ранлив и тешко е во таквите моменти да го контролираш животот“, искрен е Иниеста.

Што било причина за таквата депресија тешко е да се открие. Иниеста и не се обидува. Не му било секогаш пријатно. Тој не сака да се сеќава на периодот кога Жозе Мурињо го водеше Реал. Не затоа што беше Реал подобар, туку дека ривалството помеѓу Реал и Барса Португалецот го однесе на едно поинакво ниво.

„Мурињо беше клучен компонент во лошите односи на Барса и Реал. Тоа ги надминува сите граници. Се создаваше проблем во репрезентацијата. Тоа не беше ривалство, ситуацијата преминуваше во омраза. Тешко можеше да се поднесе“, откри шпанскиот ветеран.