Инзаги може да биде наследен од човекот кој го елиминираше во Лигата на шампионите?

Позицијата на Симоне Инзаги на клупата на Интер не е сигурна, а клубот веќе започнал да бара негова замена. Според последните информации „нероаѕурите“ започнале преговори со Сержо Консесисао кој со Порто беше елиминиран од италијанскиот тим во осминафиналето од Лигата на шампионите.

Интер е во четвртфиналето од најелитното европско натпреварување во кое ќе игра против уште еден португалски гигант, тимот на Бенфика. Меѓутоа тимот бележи лоши резултати во Италија и по последното реми со Салернината повеќе не е помеѓу најдобрите четир иекипи.

Многу веројатно е дека ако Инзаги не се избори за место во Лигата на шампионите тоа ќе го плати со отказ.

„Газета дело Спорт“ пишува дека првите контакти помеѓу Интер и Консеисао се веќе направени. Сепак, преговорите со Порто нема да одат лесно бидејќи тој има договор до 2024 година.

Останатите две имиња кои се поврзуваат со Интер се Тијаго Мота кој ја предводи Болоња, како и Роберто де Зерби.