Имобиле беше судија во Рим, досуди два пенали 🎥

Во Рим се одигра хуманитарен натпревар на кој судија беше напаѓачот на Лацио Чиро Имобиле.

Имобиле судеше на повик на папата Фрањо.

„Тоа што јас бев избран за судија на овој хуманитарен натпревар кој го промовираше папата Фрањо ме прави горд“, изјави италијанскиот репрезентативец.

Станува збор за хуманитарен натпревар помеѓу Светската организација „Рома“ и ватиканскиот тим Фратели Тути. Натпреварот се играше со цел за борба против расизмот и дискриминацијата, а Лацио одигра клучна улога во спонзорството и организацијата на натпреварот.

Натпреварот на крајот заврши со резултат 7:7, а Имобиле досуди два пенали.