Изненадување: Стив Неш е новиот тренер на Бруклин

Легендарниот канадски кошаркар, Стив Неш, е именуван за главен тренер на НБА тимот Бруклин Нетс. 

Неш, кој има 46 години, нема искуство во тренерската дејност, но за време на неговата кариера беше вистински лидер и еден од најдобрите плејмејкери во светот.

Со недели, сопственикот на клубот, Џо Цаи и генералниот меназер, Шон Маркс се обидувале да го убедат Неш да седне на клупата на Бруклин, и на крајот им успеало.

Ова е големо изненадување бидејќи Неш нема тренерско искуство како главен тренер, а Нетс во следната сезона ќе има шампионски амбиции бидејќи во составот ќе ги има Кајри Ирвинг, Кевин Дурант и Деандре Џордан.

„Сакам да учам. Сакам да бидам дел од тим и да градам таков. Исто така, сакам да се натпреварувам. Овие работи ме ставаат во позиција да бидам возбуден и да ја искористам оваа можност. Отсекогаш сум сакал да бидам тренер“, изјави Неш.

OFFICIAL: The Brooklyn Nets have named Steve Nash as the 23rd head coach in the franchise’s NBA history. pic.twitter.com/SG8OoN3a8g

— Brooklyn Nets (@BrooklynNets) September 3, 2020