Изненадување од Италија: Манџукиќ ги прекинал преговорите со Јувентус

Јувентус одлучи да му понуди нов договор на Марио Манџукиќ, но хрватскиот напаѓач наводно не е сигурен дали сака да остане во Торино.

„Газета дело Спорт“ пренесува дека 32 годишниот Манџукиќ не е сигурен дали сака да игра во Јувентус и наредната сезона, па според нивните информации ги прекинал преговорите за продолжување на договорот.

Актуелниот договор на Манџукиќ има важност до 2020 година, а споменатиот медиум најавува дека преговорите ќе бидат продолжени само доколку Хрватот е сигурен во својата одлука да остане во редовите на италијанскиот шампион.

Манџукиќ во овој момент заработува три ипол милиони евра годишно, а Јувентус сега му нуди договор до 2021 година со покачување на пет милиони евра.

Напаѓачот во изминатото лето одби понуда од Кина во која можеше да стане најскапиот Хрват на сите времиња, а сезоната одлично ја започна со учинок од четири погодоци и две асистенции на девет натпревари.

https://www.youtube.com/watch?v=dzlP9J9OFEA&t=2s