Изненадување на повидок: Бонучи во Серија А, но не во Рома?!

Леонардо Бонучи во последниот период често се поврзуваше со екипата на Рома, но сега од Италија пристигнуваат нови информации.

Наводно, како опција за Бонучи се појавил Милан. „Росонерите“ имаат проблеми со дефанзивците и остаанаа без Фикајо Томори во следните два месеци, а во јануари нема да го имаат на располагање Малик Тиао, додека Пјер Калулу ќе отсуствува до крајот на февруари.

Поради тоа на Милан му е потребен искусен дефанзивец, а нема дилеми дека Бонучи е токму таков.

Бонучи по долги години во Јувентус во сезоната 2017/2018 играше за Милан, но по само една сезона се врати во Јувентус. Интересно е што Бонучи во минатото од 2006 до 2009 година играше и за Интер.