18-годишник кој се прослави пред три години, аргентинскиот репрезентативец со мексиканско потекло Лука Ромеро е нов играч на Милан.
Милан и официјално потврди дека ова десно крило е нов член на Росонерите, а од Лацио пристигна бесплатно.
Шанса да станеш YouTuber! Приклучи се! ↓↓↓
Стефано Пиоли на тој начин доби универзален играч со оглед на тоа дека Ромеро може да игра и на левото крило и на средината на теренот доколку е потребно.
За неговиот талент доволно говори и фактот што во 2020 година како член на Мајорка стана најмладиот играч кој дебитирал во шпанската Примера со 15 години и 219 дена.
Иако е роден во Мексико, член на Аргентина е од У-15 години, но чека да дебитира во А-селекцијата откако одигра два натпревари за селекцијата до 20 години.
Уште порано го нарекуваа мексиканскиот Меси, а интересно е што во своите редови сакаа да го видат и шпанската репрезентација.
Ромеро ја започна својата кариера во Формантера (У19), а играше и во тимот на ПЕ Сант Жорди пред да се пресели во Мајорка во 2015 година.
Лацио го купи за 200.000 евра во 2021 година и по 21 натпревар и еден гол за овој клуб заминува во Милано.
Ќе видиме дали и како ќе се вклопи во тимот на Стефано Пиоли со оглед на тоа што тој се уште минува низ преоден рок и се навикнува на сениорското ниво.
Учество во игри на среќа е дозволено за лица со 18+ години. Играј одговорно!