Ибрахимовиќ се прости и со Баи: „Како мислиш одје*и“ (ВИДЕО)

Сега веќе некогашниот фудбалер на Манчестер Јунајтед, Златан Ибрахимовиќ, денес се прости од своите играчи на „Олд Трафорд“ и веќе утре ќе биде претставен како ново засилување во ЛА Галакси.

Ибрахимовиќ одлучи да ја раскине соработката со „Црвените ѓаволи“ и кариерата да ја продолжи во САД. Шведскиот напаѓач денес дојде на тренингот на Јунајтед за да се поздрави со своите довчерашни соиграчи и да им посака среќа во продолжението од сезоната.

Во центарот на вниманието беше средбата на Ибрахимовиќ со Ерик Баи со кој е во добри односи. Откако Ибрахимовиќ објави на социјалните мрежи дека го напушта Јунајтед, токму Баи беше првиот кој се огласи, па во коментар му порача: „Одје*и“.

Секако, Ибрахимовиќ не остана должен, па денес одлучи да му возврати. Иако Баи мислеше дека ќе се слика со Ибра, шведскиот напаѓач го искористи тоа да го праша: „Како мислиш Одје*и“?!