„Ибрахимовиќ ми ја уништи кариерата“

Сонот на секој фудбалер е да заигра за репрезентацијата на својата земја, а понекогаш вашиот сон може да се претвори во кошмар.

Златан Ибрахимовиќ веќе две децении е еден од најдобрите фудбалери, па многу противници не си поминаа добро во натпреварите против Швеѓанецот.

Во ноември 2012 година во Стокхолм играа Шведска и Англија, а тоа беше натпреварот во кој Ибрахимовиќ постигна гол со ножички од 40 метри.

За Англија тогаш дебитираше Рајан Шокрос, кој денес има 34 години и неговиот сон се претвори во кошмар, кој го прогонува сѐ уште.

„Ибрахимовиќ ми ја уништи кариерата. Имав шанса и мислам дека многу други дефанзивци не успеаа да го запрат. Станав предмет на исмејување“, изјави Шокрос.