Зидан за Бејл: Сакате да имаме проблеми со него, но немаме

Тренерот на Реал Мадрид, Зинедин Зидан после вчерашната победа против Осасуна повторно зборуваше за Герет Бејл.

Зидан беше приморан во претходните месеци често да зборува за Бејл и да ги демантира медиумските извештаи дека ќе го напушти Реал Мадрид, а ништо поразлично не беше ни овој пат.

Бејл излезе од игра во второто полувреме, а новинарите веднаш се обидоа да извршат притисок врз Зидан за да каже дека не е задоволен од него.

Сепак, се случи спротивното.

„Сакате да имаме проблем со Бејл, но немаме. Ако Бејл не постигне гол, нормално дека не е среќен. Мора да се потриди повеќе кога е тоа во прашање. Но, среќен сум што асистираше.“ – изјави Зидан.

Инаку, Кралевите синоќа ја поразија Осасуна со 4:1 и на тој начин се зацврстија на лидерската позиција во Ла Лига.