Зидан доби одлични вести пред гостувањето во Торино

Тренерот на Реал Мадрид, Зинедин Зидан доби добри вести пред гостувањето во Торино.

Реал Мадрид во вторник со почеток од 20:45 го очекува ¼ финалето од Лигата на шампионите каде што ќе се сретне со тимот на Јувентус.

Пред оваа средба во таборот на Реал добија одлични вести – Серхио Рамос и Иско се враќаат во тимот после лесните повреди поради кои го пропуштија натпреварот во првенството против Лас Палмас.

Сега надвор од тимот е само Начо Фернандез кој се повреди токму на оваа средба и не е познато кога ќе биде спремен да се врати на терените.

Ова значи дека Зинедин Зидан против Јувентус ќе може да излезе со најсилниот состав.