За кого навиваше Меси во Суперкласико?

Се уште не се спуштила прашината после историското Суперкласико помеѓу Бока и Ривер кое се играше во Мадрид.

Медиумите секој ден се обидуваат да објават ново информации поврзани со Суперкласико, а некои медиуми се позанимаваа со тоа за кого навивал најдобриот Аргентинец, Лионел Меси.

Пред почетокот на мечот Меси пристигна во ВИП ложата заедно со својот син Матео, а факт е дека го поздравија навивачите на едниот и другиот клуб, што е нормално бидејќи Лео е обожаван во Аргентина.

Ѕвездата на Барселона во Аргентина играше само за младинците на Њуелс Олд Бојс, меѓутоа многумина се обидуваа да откријат за кого навивал во Суперкласико.

Една од камерите константно го следеше Меси и забележа дека после првиот гол на Бока има „леден“ израз на лицето, што доведува до заклучок дека најверојатно навивал за Ривер Плата.