Заниоло пред враќање во Италија: Три клуба во битка за неговиот потпис

Астон Вила изгледа нема намера да го откупи Николо Заниоло и тој на крајот од сезоната ќе се врати во Галатасарај, сепак Турција не е дестинација каде што сака да остане.

Желбата на Заниоло е повторно да биде дел од италијанскиот фудбал, а наводно три клуба од Серија А веќе покажале интерес.

Според италијанските медиуми Заниоло во своите редови сакаат да го видат, Фиорентина, Милан и Јувентус. Но, се напоменува дека сите три клуба сакаат позајмица со право на откуп.

Причината за таквата опција е сумата која ја бара Галатасарај за негов целосен трансфер.