Зампарини до Јуве и Дибала: Тој сеуште не знае дека не е се во парите

Сопственикот на Палермо, Маурицио Зампарини, тврди дека напаѓачот на Јувентус, Паоло Дибала сеуште не знае дека вистинската среќа не е во парите и дека ја изгубил желбата за фудбал.

Да се потсетиме, Аргентинецот кој има 24 годин на првите шест натпревари постигна 10 погодоци, за потоа во наредните десет натпревари да постигне само два погодоци.

„Дибала поминува низ тежок период во животот и кариерата, но мислам дека не треба да се грижам за него. Тоа е нешто низ кое поминува секој фудбалер, посебно некој кој наместо 400.000 евра од еднаш започнува да заработува 10 милиони евра годишно. Не е смешно. Дибала сеуште не знае дека не е се во парите, но тој е паметен и има време да разбере. Немам совет за Марота и Алегри, тие добро работат Треба само да почекаат да му се врати желбата за фудбал. Тоа знае да биде тешко…“, порача Зампарини.