Заврши серијата на Дончиќ, скромен и Јокиќ – Далас и Денвер победија

Денвер и Далас забележаа победи изминатите вечер, но Дончиќ и Јокиќ не одиграа натпревари на какви што не навикнаа во претходниот период.

Дончиќ, иако дојде до двоцифрена бројка со 21 поен, додаде само уште девет асистенции и три скока, такаа за него заврши серијата од седум трипл-дабли учиноци. Сепак, неговиот тим, Далас, лесно го победи Голден Стејт Вориорс со 109:99. Во средината на последната четвртина, Дончиќ излезе од игра поради повреда, засега нема информации дека станува збор за нешто сериозно.

Јокиќ беше четвртиот стрелец на Денвер во победата против Мајами со 100:88. Српскиот кошаркар постигна само 12 поени, додавајќи 14 скока и шест асистенции. Мајкл Портер Јуниор ги постигна најмногу поени за Нагетс (25), додека на другата страна, Бам Адебајо беше најдобар за домашниот тим со 17 поени и 13 скока.

Што се однесува до рекордите за трипл-дабли, Јокиќ остана на 21 во сезоната, додека Дончиќ има 18.

Лидер во таа категорија е Домантас Сабонис со 23 трипл-дабли сезонава. Со 17 поени, 19 скока и 10 асистенции, Литванецот ги предводеше Сакраменто Кингс до победата над ЛА Лејкерс со 120:107.

НБА РЕЗУЛТАТИ: Детроит – Торонто 113-104, Орландо – Бруклин 114-106, Индијана – Чикаго 129-132 (продл), Мајами – Денвер 88-100, Мемфис – Шарлот 98-110, Њу Орлеанс – Клилвнед 95-116, Далас – Голден Стејт 109-99, Портланд – Атланта 106-102, Сакраменто – ЛА Лејкерс 120-107.