Жоржињо донел одлука за својата иднина!

Шампионот на Европа во клупска и репрезентативна конкуренција, Жоржињо ќе остане во Челзи и наредната сезона, потврди неговиот менаџер Жоао Сантос.

Откако беше потврдено дека Антонио Рудигер ќе го напушти Челзи, навивачите на „сините“ стравуваа дека и одличниот играч за врска би можел да го напушти Лондон. Меѓутоа, за нивна среќа тоа нема да се случи.

Постоеа гласини дека италијанскиот репрезентативец може да пронајде нова средина поради „комплицираната“ ситуација во Челзи која настана поради санкциите кон Роман Абрамович. Јувентус покажа најголем интерес за 30-годишникот, но управата на клубот од Торино била известена дека Жоржињо ќе остане на Островот.

Договорот на Италијанецот со Челзи истекува во 2023 година. Фудбалерот роден во Бразил во клубот е од 2018 година кога дојде од Наполи, а со „сините“ освои титула европски и светски шампион.

🚨Joao #Santos, agente di #Jorginho, in ESCLUSIVA a https://t.co/VdiktdtZ9x: "Trattativa con la #Juve? Stante così le cose e senza un compratore, resta a Londra al 100%. Ad ora non può esserci trattativa con la #Juve. Conosco #Cherubini da 20 anni, è consapevole della situazione"

— calciomercato.it (@calciomercatoit) April 26, 2022