Жиру го делат ситници од Интер

Францускиот напаѓач Оливие Жиру е се поблиску до трансфер во редовите на Инте.

Жиру наводно ги договорил сите лични услови со италијанскиот клуб, со кој ќе потпише договор до летото 2022. година.

Во тек се преговори меѓу двата клуба и се верува дека Челси нема да прави никакви проблеми за Французинот, иако се уште немаат договор за цената. Интер нуди пет, Челси бара седум милиони евра, но се очекува наскоро да најдат конечен договор.

33-годишниот напаѓач е желба на Антонио Конте и после авантурата во Лондон (Арсенал и Челси), спремен е за нови предизвици.

Само треба да почекаме за официјалната потврда на трансферот, а Жиру се надева дека ќе добие шанса со Ромелу Лукаку и ќе му помогне на Интер во борбата за Скудето.