Еурофарм Пелистер 2 доби четири засилувања

Tимот на Еурофарм Пелистер 2 денес доведе четири засилувања за сезоната 2021/2022.

Битолскиот тим информираше дека членови на втората екипа во иднина ќе бидат Благојче Трајковски, Цветан Кузманоски, Милан Ѓукиќ и Андре Буторац.

Првите тројца, голмано Трајковски и Кузманоски доаѓаат од првиот тим на Еурофарм Пелистер. Буторац во Битола се сели од Голден Арт.

34-годишниот Трајковски е искусен голман, поранешен репрезентативец, а пред да дојде во Битола настапуваше за Макс Струмица и Охрид.

21-годишниот Кузманоски се враќа во Еурофарм Пелистер 2 по една полусезона мината во Еурофарм Пелистер. Репрезентативното лево крило беше најдобар стрелец во Суперлигата за Струга, а се наметна и во полусезона под палката на Александар Јовиќ.

Десното крило, 35-годишниот Ѓукиќ се задомаќини во Битола, каде е од 2018 година. Претходно настапуваше во Мешков Брест, Војводина, Раднички Крагујевац, Железничар Ниш.

По една сезона во тимот на Голден Арт КЛ7, во својот роден град и матичен клуб се враќа и 19-годишниот десен бек, Андре Буторац. Тој своите први сениорски минути и натпревари ги одигра во дресот на Пелистер, а сега се враќа да го облече дресот на Еурофарм Пелистер 2- една од најмладите екипи во Суперлигата.