Енур Тотре има нов клуб

Повремениот репрезентативец на Македонија, Енур Тотре кариерата ја продолжи во турската втора лига во редовите на Сакаријаспор.

Тотре во овој клуб пристигнува откако му заврши соработката со Ворскла и договорот со Сакаријаспор го постигна во последниот ден од преодниот рок.

Претходно во кариерата 27-годишниот Тотре играше за Шкендија во Македонија и Тирана во Албанија. За сениорската репрезентација на Македонија има три настапи, а претходно беше стандарден во младинските категории.