Енис Фазлагиќ пред трансфер во Висла Краков

Младинскиот репрезентативец на Македонија, Енис Фазлагиќ ќе биде нов фудбалер на Висла Краков.

Медиумите во Словачка и Полска објавија дека во Жилина одлучиле да ја прифатат понудата. Информациите се дека Висла за Фазлагиќ ќе плати сума од 500.000 евра, а Жилина ќе добие и процент од идниот трансфер на фудбалерот.

Интерес за Фазлагиќ покажуваше и Галатасарај од каде што веќе наводно се откажале од намерата да го доведат. Фазлагиќ е актуелен репрезентативец на Македонија до 21 година и претходно беше дел од сите младински селекции.