Емери пронајде решение: Арсенал го доведува дефанзивецот на Барселона?

Она што секој навивач на Арсенал би го рекол е тоа што главен проблем во екипата е одбраната.

Свесен за тоа е и Унаи Емери, па на управата им ги пренел своите очекувања дека во стоперската линија треба да пристигнат засилувања од светски калибар. Едно од нив би можело да биде и фудбалерот на Барселона, Самуел Умтити, тврдат медиумите на Островот.

Французинот оваа сезона го загуби своето место во првиот состав, Валверде често ги користи Пике и Ленгл, а доколку навистина дојде и Матијас де Лихт тоа би значело крај на кариерата на „Камп Ноу“ за Французинот.

„Умтити е многу добар играч, сакам да имам фудбалери од Франција, бидејќи се многу квалитетни, ги тренирав често во своите претходни клубови“, изјави Емери.

Проблем би можело да претставува цената, 25-годишниот играч е проценет на 70 милиони евра што не е малку со оглед на тоа што „Топчиите“ имаат нешто поскромен буџет за претстојното лето.