Емери откри како учи англиски јазик и ги насмеа сите!

Шпанскиот стратег Унаи Емери ова лето седна на кормилото на Арсенал, каде го наследи легендарниот Арсен Венгер кој цели 23 години ги водеше „топџиите“.

За Емери ова е прва работа на Островот и Шпанецот призна дека се плашел дека јазикот ќе му биде голема пречка.

Сепак, Шпанецот откри дека добро напредува со учењето на англиски јазик и тоа благодарение на гледањето серии.

„Се плашев дека јазикот ќе биде пречка, но за среќа не е така. Немојте да ми се смеете, но верувајте ми дека гледам многу серии и така најдобро го учам англискиот јазик“.

„Најмногу следам „Peaky Blinders“ и така најдобро го учам новиот јазик. Серијата е навистина добра, но тешка поради акцентот. Сепак, добро ми оди“, истакна Емери.

Емери имаше лош старт на сезоната, но тимот ја подигна формата, па после 13 одиграни кола, лондонскиот клуб на своето конто има 27 бода.