Емери демантира: Нема конфликт со Озил!

Тренерот на Арсенал, Унаи Емери, ги демантираше гласините дека Месут Озил не настапил на натпреварот против Вест Хем поради наводна кавга меѓу нив за време на тренинг.

Емери истакна дека Озил не дошол на натпреварот поради болест, а не поради конфликт меѓу нив двајцата.

„Озил е болен и не постои никаков друг проблем. Можете да разговарате со нашиот лекар и тој се ќе ви објасни“, истакна Емери.

Претходно во медиумите се појавија гласини дека двајцата се скарале на тренингот во петокот, а дека Озил одбил да настапи на натпреварот откако дознал дека нема да биде во почетниот тим.

Арсенал после почетните два порази од Манчестер Сити и Челзи, вчера конечно ја забележа првата победа во новата сезона.