Екс-фудбалерот на Барселона „удри“ по Чави: Тој е се освен искрен човек

Поранешниот фудбалер на Барселона и сегашен на ПСВ Ајндховен, Сержињо Дест зборуваше за времето во каталонскиот гигант.

Во редовите на Барселона, Дест пристигна во 2020 година кога тренер на тимот беше Роналд Куман. Подоцна Холанѓанецот замина, а на негово место дојде Чави Ернандез кој не сметаше на услугите на Дест.

По доаѓањето на Чави, Дест беше испратен на позајмица во Милан, а потоа се врати во ПСВ.

„Од почетокот не беше искрен со мене. Неколку пати разговаравме и ми кажа нешто за кое што се сомневав дека е вистина. Пред паузата во летото ме убедеуваше дека ќе смета на мене и дека не треба да читам што се пишува. Кога се врати само ми кажа дека треба да заминам“, изјави Дест.