„Екип“ тврди: Ливерпул договори засилување од 80 милиони!

Еминентниот француски весник „Екип“ тврди дека Ливерпул е многу блиску до комплетирање на трансферот на ѕвездата на Лил, Николас Пепе.

23-годишниот напаѓач е вистинска сензација оваа сезона во Лига 1 и го привлече вниманието на многу европски гиганти меѓу кои Арсенал, Баерн Минхен, Манчестер Јунајтед и Интер.

Пепе е репрезентативец на Брегот на слоновата коска и оваа сезона постигна 23 гола и запиша 13 асистенции на 41 натпревар за Лил.

„Екип“ тврди дека Ливерпул ја победил конкуренцијата и дека е на чекор да го комплетира трансферот. „Црцените“ за потписот на Пепе понудиле 80 милиони евра, и би требало да биде втор најскап трансфер во клубот, после Вирџил ван Дајк.

Пепе е крилен напаѓач кој може да игра како алтернатива за Мане или Салах, па Клоп смета дека ќе биде од голема помош за неговиот тим.