Едно полувреме не беше доволно: Украина со три гола во второто полувреме до победа во Скопје

Македонската фудбалска репрезентација одигра две различни полувремиња и забележа пораз од селекцијата на Украина во Скопје со 2:3.

Натпреварот започна мирно без шанси на двете страни, а ние до гол стигневме по половина час игра. По реакција на ВАР главниот судија покажа на белата точка во 30-тата минута, а сигурен реализатор на најстрогата казна беше Енис Барди.

Веќе осум минути подоцна имавме и 2:0, Елмас погоди со прекрасен гол со удар од далечина.

The ball hits the back of the net! Eljif Elmas (North Macedonia) keeps his cool and scores.
EURO 2024 QUALIFICATION: GOAL: North Macedonia 2-0 Ukraine. Eljif Elmas. 40’@FootballReprt pic.twitter.com/RVzT2qfr5U

— Sohaib Just That (@Sohaib_That) June 16, 2023

Го задржавме водството и со одлични 2:0 заминавме на пауза, за потоа во вториот дел да доживееме целосен пад во играта.

Се играше 62-та минута кога Циганков одлично изведе корнер, а осамен во нашиот шеснаесетник остана Забрањи кој намали на 2:1. По само шест минути игра Украина веќе изедначи, Мудрик испрати топка од левата страна во шеснаестникот, до Конопја кој го матираше Димитриевски за 2:2.

pic.twitter.com/zBSAcKMWDh

— Stefan Daskalov (@StefanDaskalov5) June 16, 2023

pic.twitter.com/6NxbVSeTHt

— Stefan Daskalov (@StefanDaskalov5) June 16, 2023

Во 73-тата минута работата за нашата селекција стана уште потешка откако Муслиу заработи втор жолт картон и предвреме го заврши натпреварот. Бројчаната предност на теренот Украина знаеше како да ја искористи, па десет минути подоцна асистентот Циганков сега се запиша и во листата на стрелци, додека Мудрик додаде и втора асистенција.

Македонија по три одиграни кола во групата има три бода од победата со Малта во првото, во второто бевме слободни, а за три дена не очекува тешкото гостување на „Олд Трафорд“ против Манчестер Јунајтед.