Единствената спортистка која не е вакцинирана во Пекинг: Ми носат храна во соба и тестираат два пати на ден

Швајцарската сноубордерка Кумер е единствената невакцинирана спортистка на Зимските олимписки игри во Пекинг.

Кумер помина низ задолжителен карантин од 21 ден. Одлуката да не се вакцинира е нејзина, но не открива кои се причините.

„Не сум против вакцинацијата, но имам причини поради кои не сакам да се вакцинирам. Не морам никому да се објаснувам и да се правдам“, изјави Кумер за медиумите.

Од пред пет дена е во Олимпиското село и за неа важат посебни правила.

„Во изолација сум во соба, излегувам само да тренирам на снег. Храна ми носат во соба и ме тестираат два пати на ден“, раскажа сноубордерката.