Драган Стојковиќ Пикси открива: Ги одбив Венгер и Арсенал

Српскиот тренер Драган Стојковиќ Пикси откри дека своевремно Арсен Венгер го повикувал во Арсенал, но тој не сакал да ја напушти Јапонија поради семејни причини.

Стојковиќ кој е тренер на кинескиот Гвангажу и Венгер ги врзува пријателтво уште од Нагоја каде што Французинот беше тренер на српскиот ас, пред да пристигне во Арсенал.

„Ме повика да дојдам во Арсенал кога пристигна. Размислував што да правам тоа беше животна прилика, но јас ја одбив поради две причини. Моите деца се школуваа во Јапонија и беа задоволни, а јас се чуствував пријатно и бев вистинска ѕвезда на лигата. Доколку моите деца не почнеа на училиште сигурно ќе играв за Арсенал“, изјави Стојковиќ.

Пикси откри дека токму и поради Венгер одлучил да започне тренерска кариера.

„Поради се што научив од Венгер одлучив да бидам тренер. Покрај него сфатив дека фудбалот е едноставен, а тоа веројатно е најтешко. Ми беше инспирација“, изјави поранешниот југословенски фудбалер.