Дончиќ има нов газда – петтата најбогата жена во светот!

Политичката активистка Миријам Аделсон од Израел и нејзиното семејство купија дури 73 отсто од акциите на НБА-клубот Далас маверикс.

Новата сопственичка ќе има доминантен дел од акциите, додека останатите 27 отсто ќе ги задржи досегашниот газда, Марк Кјубан.

Аделсон за 73 отсто од акциите плати неверојатни 3,9 милијарди долари и стана една од ретките жени кои е доминантен сопственик на спортски тим во САД.

Петтата најбогата жена во светот има богатство во вредност од 32,3 милијарди долари, а тоа ја рангира на 44. место на најбогати луѓе во светот.