Долгогодишниот фудбалер на Ливерпул заминува по крајот на сезоната

Англиските медиуми пренесуваат дека на крајот од сезоната Ливерпул би можел да го напушти Адам Лалана.

Лалана на Енфилд е од 2014. година, но поради повреда оваа сезона е во втор план и се поизвесно е дека по крајот на сезоната ќе ја бара среќата на друго место.

„Лалана сака да игра, а на тоа не може да смета во амбициозниот Ливерпул.“ – пренесуваат англиските медиуми и откриваат дека 31-годишниот играч нема да има проблем да пронајде нова средина бидејќи веќе неколку клубови се интересираат за неговите услуги.

Најсериозен во редот е Лестер кој наводно веќе воспоставиле контакти со неговите застапници, а покрај Лисиците, Лалана го посакуваат и Вест Хем, Тотенхем и Арсенал.

Да потсетиме, Ливерпул го донесе Лалана од Саутемптон за 31 милион евра. Од 2014. година до денеска одигра вкупно 175 натпревари во дресот на Црвените и запиша 22 погодоци и исто толку асистенции.