Договорен „пакт“ помеѓу Барселона и Реал Мадрид

Иако Реал Мадрид и Барселона се големи ривали, сепак знаат и да се здружат за да остварат заеднички нтерес.

Така беше во случајот со европската Суперлига каде што беа главни промотери со Јувентус, сега шпанските гиганти постигнаа уште еден меѓусебен договор. „Марка“ пренесува информации дека Флорентино Перез и Жоан Лапорта направил „пакт за ненапаѓање на играчите“.

Во пракса тоа значи дека двете страни се обврзале дека нема да покажуваат интерес за играч на ривалот кој има повеќегодишен договор. Ваквиот договор доаѓа после информациите во јавноста дека Реал го сака Араухо што и беше демантирано од Перез.

Треба да се напомене дека „пактот“ нема да важи ако некој фудбалер влегува во последната сезона од својот договор.