Добра вест: Ќе има ТВ пренос од фудбалското првенство во Саудиска Арабија

 Српската телевизија „Спорт Клуб“ пренесува добри вести за љубителите на фудбалот. Имено, од недела натпреварите од Саудиска Арабија каде што оваа година игра Кристијано Роналдо ќе може да се следат на оваа телевизија.

Нормално дека главната причина за преност е Роналдо кој од пред неколку недели официјално се пресели во Ал Наср.

Роналдо веќе го одигра првиот натпревар во Саудиска Арабија, но тоа беше како дел од комбинираниот тим на Ал Хилал и Ал Наср вчера против ПСЖ.

Првиот натпревар на Роналдо во дресот на Ал Наср ќе биде во недела кога овој тим игра против Ал Итифак на Дарко Велковски. Натпреварот се игра во 18:30 часот.