Директорот на Јувентус на полувремето со Верона се симнал кај судиите, Серија А го казни

Фудбалерите на Јувентус изминатиот викенд ремизираа на свој терен против Верона (1:1) во рамките од 5. коло во Серија А.

Верона имаше предност во овој натпревар, но Јувентус успеа да дојде до изнедначување, а во финишот од натпреварот фудбалерите на „старата дама“ пропуштија неколку добри прилики и да дојдат до целосен пресврт.

После натпреварот е објавено дека во Јувентус имале големи замерки за судењето во овој натпревар. Директорот на „старата дама“ Фабио Партичи на полувремето дури и се симнал во соблекувалната на судиите.

Партичи жестоко го критикувал главниот судија и неговите помошници. Судиите тоа не го испуштиле и го завеле во извештајот по натпреварот.

Дисциплинската комисија на денешната седница одлучи да го казни Партичи со 15.000 евра.